مطعم دارين

من ناحيه الاكل والخدمه رووعه وطعممم نفس زمان ماتغير جيتهم اليوم 18 اكتوبر . بس عندي تعقيب ع النظافه مكان زي تمسيح مكيفات غبار وستاير الطاولات والمملحه اهتموا فيها واسعار يعتبر افضل من غيره اكثر طلب اطلبه شوربه حمراء بيسك ومشكل بحري تش تش مشوي ومقبلات ورز برياني سمك او ربيان وشمبانيا 😍😍يستاهلون 5 نجومً مكانه قدديم جداااا بس الاكل وخدمه وسعر يعتبر معقول بين رخص والغلا حسب كميه والاشخاص .

هذا احد المطاعم الشهيرة في الدمام لتقديم الأسماك الطازجة بالإضافة إلى الروبيان والبحريات الأخرى يقدمها مشوية او مقلية او مطبوخة بالفرن ويقدم أيضا جميع انواع المشويات اللذيذة من لحم الغنم الطازج مثل الكباب والاوصال وايضا الدجاج. الاكل لذيذ وطيب وانصح الجميع بتجربته والاستمتاع بطعم الأكلات. السعر يعتبر غالي ولكن يستحق التجربة.

أحد أجمل و أفضل مطاعم البحري بالشرقية ما شاء الله مميزين بأكلهم و خصوصا الاستكوزا بالجبن كل أكلهم البحري طيب من سمك و روبيان ممتاز و أسعارهم متوسطة .

المطعم اكله لذيذ وسمكه فريش لكن المبنى قديم وطاولات قديمه لابد من التجديد والاسعار مرتفعه بعض الشيء وخدمتهم سريعه لكن لابد من التجديد طبق الكالاماري المشوي لاحد يطلبه الصراحه مو لذيذ 😂لكن الباقي عندهم لايعلى عليه

المطعم من زمان نتردد عليه معروف بالاكل البحري الشوربة قبقب بالذرة جميلة وقلقي باالجبن لذيذ يجي معه رز هديه اخترت رز صيادية

مطعم بحري مميز على شارع الخليج وتم تجديده مؤخراً بالنسبة للمكان والخدمة سريعة والاكل والطعم لابأس به ولكن الاسعار مرتفعة جداً وهناك مكان مخصص للعائلات فالدور العلوي وفيه مصعد لكبار السن وذوي الاحتياجات الخاصة والله يعطيكم العافية ونتمنى تخفيض الاسعار ..

المكان جيد، الديكور متوسط، الاسعار مرتفعة جدا، الطعم لبعض الاكلات ممتازة مثل شوربة توم يوم لكن الكمية قليلة بالنسبة للحجم الكبير، وبعض الطعم اقل من المفترض مثل لوبستر بالجبنة، الخدمة ممتازة

اكله جدددددا لذيذ ونظافه وخدمه ممتازه والمكان رايق بعض المرات يكون فيه ازعاج اطفال بس ماشي وضعه جدا الاكل ينسيك كل شي

شوربة البولبيس ممتازه جداً لا تطوفكم و سالمون👌 الشيف بير ممتاز جداً زبون مستمر لهذا المطعم من أفضل المطاعم البحريه بالدمام

رائع جدا والاكل ممتاز والنظافه ممتازه جدا وغالي شوي

تجربتي كالتالي شوربة كريمة دجاج+ شوربة قباقب= لذيذة مشخول كنعد = لذيذ لكن للاسف الرز كله بصل (حمسه) بشكل زايد ف صار طعم الرز مو ذاك الزود صالونة سمك= لذيذه رز صيادية= لذيذه سعرهم بين متوسط ل غالي لكن بالمقارنة مع بعض المنافسين يعتبر مقبول جداً بكرر التجربة باذن الله

مطعم ممتاز جدا جدا للمؤكلات البحريه منظم مرتب تقديمه ممتاز بس اسعاره شوي غاليه بس افضل مطعم بحري في الشرقيه ١٠٠/١٠٠

ثاني ميناء في المملكه العربيه السعوديه من الشيء الطبيعي ان تجد مطعم بهذه الروعه ويمتلك الايادي العامله الذي تالق التعامل السليم والناجح والناجل وصلاح انصح به مطعم في غايه الروعه ملاحظه صغيره لا يوجد مواقف سيارات كافيه اي لاف يو